Urdu Poetry

yeh jo raig-e-dasht-e-firaq hai yeh ruke agar
yeh ruke agar to nishaaN mile,
yeh nishaaN mile
k jo faasiloN kii saliib hai
yeh gaRi hui hai kahaaN kahaaN
mere aasmaaN se kidhar gayii tere iltefaat ki kehkashaaN

mire be_Khabar, mire be_nishaaN
yeh ruke agar to pata chale
maiN thaa kis nagar tuu rahaa kahaaN
k zamaaN makaaN ki yeh wusateN
tujhe dekhne ko taras gayiiN
voh mire nasiib ki baarisheN
kisi aur Chhat pe baras gayiiN

mere chaar suu hai ghubaar-e-jaaN,
voh fishaar-e-jaaN,
k Khabar nahiiN mire haath ko mire haath kii
mire Khwaab se tire baam tak
tiri rehguzar ka to zikr kya
nahiiN zaufishaN tera naam tak
haiN dhuaaN dhuaaN mire ustKhwaaN
mere aansuuoN meN bhuje hue mire ustKhwaaN
mire naqsh gar mire naqsh-e-jaaN

isii raig-e-dasht-e-firaaq meN rahe muntazir
tere muntazir...!!!
mere Khawab jin ke fishaar meN
rahi mere haal se beKhabar teri rehguzar
teri rehguzar ke jo naqsh haiN mire haath par.....
magar is balaa ki hai tiirgi
k Khabar nahiiN mere haath ko mere haath ki
voh jo chashm-e-shobadaa saaz thii, woh uThe agar
mere ustKhwaaN meN ho raushni
ussi ek lamha-e-diid meN teri rehguzar...!!
meri tiirah jaaN meN chamak uThe
mere Khawab se tire baam tak,
sabhii manazroN meN damak uThhe
usii ek pal meN ho jaavidaaN
meri arzuu k hai bekaraaN
meri zindagi k hai muKhtasar

yeh jo raig-e-dasht-e-firaq hai, yeh ruke agar.....

Welcome to our Club Fakhar

Thanks sir

December ab ke aao tou
December ab ke aao tou
tum us shehr-e-tammana ki khabar laana
ke jismein jugnuon ki kai kehkashaan jhilmilaati hain
jahan titli ke rangon se fazaaein muskuraati hain
wahan chaaron taraf khusbhu wafa ki hai
aur jo usko nazar se choo gaya
pal bher mehek utha
December ab ke aao tou
tum us sheher-e-tammana ki khabar lana
jahan pe rait ke zarrey sitaarey hain
gul-o-bulbul, mehr-o-anjum, wafa ke ista'aarey hain
jahan dil wo samander hai, kai jiske kinaarey hain
jahan qismat ki devi muthiyon mein jagmagati hai
jahan dharkan ki lay per bay-khudi naghma sunati hai
December mat pooch humse hamarey sheher ke baarey
yahan aankhon mein guzrey kaarwan ki
gard thehri hai .. muhabbat barf jaisi hai yahan ...
aur dhoop ke khaiton mein ugti hai
yahan jab subha aati hai to .. shub ke
saarey sapney raakh ke dhair ki soorat mein dhaltey hain
yahan jazon ki tooti kirchiyan aankhon mein chubhti hain
yahan dil ke lahu mein apni palkon ko
dabo ker hum sunehrey khuab buntey hain
un khuabon mein jeetay hain
unhi khuabon mein martey hain
dareeda rooh ko lafzon se
seena go nahi mumkin
magar phir bhi
December ab ke aao tou
tum us shehr-e-tamanna ki khabar laana

Now lets see how our poet former student Dr Abdul Aziz Awan responds to this

DECEMBER

K Dino Mein Tum Ne Mujh Se Ye Kaha Tha Na
K Tanha Hoon Mgar Phir Bhi Tumhara Sath Main Doon Ga
Apne Hath Aankhon Pr Meri Rkh Kr Kaha Tha Na
Bhri Dunya Se Tkra K Tumhara Sath Main Doon Ga
Na Bdloon Ga Kabhi Jaise Mausam Ye Bdalte Hain
Bdalte Mausamon Mein Bhi Tumhara Sath Main Doon Ga
Tumhari Inhi Baaton Se
Bohat Mjboor Ho Kr Main
Sb K Saamne Tum Se Ye Kehna Chahti Hon
Tumhare Ehd_o_Pemaan Se To Ye Mausam Hi Ache Hain
Tum Ehd Kr K Nhi Lote
Ye Mausam Lot Aya He
December Mein Kaha Tha Na
K Wapis Lot Aaon Ga
Abhi Tk Tum Nhi Lote
DECEMBER Lot Aya He.
DECEMBER Lot aya he

december jab bhi aata hai

"DECEMBER JAB BHi AATA HAi"

wo pagli phir se
beetay mosam ko,
yad krti he

poraNe cards parhti hai,
k jis maiN oss Ne likha tha,
MAiN LOTOON GA DECEMBER MEiN

Naye kaprey baNati hai,

wo sara ghar sajati hai,
DECEMBER k har aik diN ko,
wo giN giN ker bitati he.

jooN hi 15 gozarti hai,

wo kch kch toot jati hy,

magar phir b,
poraNi albums ko khol ker,
maazi ko bolati he.

Nahi maloom ye oss ko,
K beete waqt ki khoshiyaaN,
bohot takleef deti haiN!
mehiz dil ko jalati haiN.

yooN hi diN beet jate haiN!
DECEMBER lot jata he.

magr wo khosh feham larki,
dobara se caleNdar maiN,
DECEMBER k mahiNe k safey ko
mor ker

phir se
DECEMBER k sehar maiN dob jati he!

k akhir os Ne likha tha,

"MAiN LOTOON GA DECEMBER MAiN"...

Akela December

"sard ratoon ki bhegi tanhai,
barasti boond ke choote hi sulagta sa badan,
beti yadoon beete lamhon main sulagta hoa dil,
youn guzre saal ke sare dukh aur saree gham,
akela aik december seh leta hai

!!!SUNO DECEMBER!!!


Naee hikayat muhabbaton ki
Shikayatoon ki
Bhujhe bhuje se haroof le kar
Kohar mein doobi seyyahoon ki
Warq warq per utaarna hai
Udaas shamoo ke phool chun kar

Suno December
Ussay pukaaro
Ussay bulaaoo
Suno December ... Ussay mila do
Ab is se pehlay ke saans niklay
Ab is se pehlay ke saal guzray
Wohi lakeerain wohi sitaara
Meri lakeeroon mein qaid kar do
Ya aakhri shab ke aakhri pal
Koi bara ikhtitaam kar do
Yeh zindagi bhi tamaam kar do
Suno December ... Ussay mila do...

December ....
Ab bhi Tera muntazir Hay .!

woh Lamhay............
Soch Ki Dahleez Pay Tehray Hoy hain !

December K mahenay main
Hazaroon Saal Pahlay Jab

Teray Waday K Honatoon Ne
meri Ankhoon Say Behtee Zindagi K Hanth Choomay Thay !

meri Bayrang Batoon K Kinaray
Tum Nay Kwabon K
Sahary or Ashkon K Sitaray Rakh Diye Thay !

aur .......
Hawa Ko apni Chahat Ki
Hifazat Kaa Ishara Kar Diya Thaa !

Hawa Ki Khunkiyon main ab Bhi Teri naram batain
aahatoon Kaa Jaal Buntee Hian !

Sama'at ....ab Bhee Teray
Qahqahon Kaa Shoor Sunti Hay !

Khayal ab Tak Tumhari Ungliyon Say
meray Dil K Surkh Ansoo Pochta Hay!

Nigahain Baraf K Phelay
chamaktay Kenwas Par Jaa-Bajaa
Teri Rifaqat Ki Zarorat Paint Karti Hay !

Tehtartay Paniyon K Tan Pay Bikhri Dhoop
Tera Bagair rooti Hay
Kahan Hota Hay Too.......
Muhabat Ki Sulagtei rahguzar K Kinaray Pay

December ....
ab Bhe Tera muntazir Hay !!